Arretxinagako elizaurrean San Migeli sagaratutako baseliza bitxi bat dago. Antzinatik aingeruen matxinadaren eszena eta aingeruen armadaren printze San Migelek zelan irabazi zien antzezten da, hauda, argiaren printzearen eta iluntasunaren printzearen arteko borroka.

Umorezko balleta, mimetismorako joera duena, musika herrikoian oinarritutakoa. Bertan mutiko bat, txorimalo bat eta zozo bat agertzen dira. Mutila zozoaren lagun egiten da eta talo zati bat ematen dio, baina zozoak hain mokokada bortitza ematen dio eskuan non, haserre, mutikoak animalia akabatzen duen, mina dela eta.

Euskal kantetan eta Francoren “Arrantzaleak” izeneko lanean oinarritutako euskal irudiak, itsasoari buruzko ohiko kantuak eskaintzen dituztenak: Boga-Boga, Kaskarotak, Kaian eta Kaxarranka.

XVIII. mendeko Euskal Herrian zehar, kultur eragin guztiak hartzen ziren kontuan, eta euskal dantzak ere ez ziren baztertu, aretokoekin bateratu baizik, horrela Kontrapasa eta Museta bezalako dantzak sortu zirelarik.

Dantza herrikoi honetan, pertsonaia batzuk ikusten ditugu: edaridun edo kantiniersa, emakumezko pertsonaia omen dena; zamaltzaina, oso buru txikia duen zaldi baten antzeko egur eta telazko egitura bat duena, animalia-gizonaren irudikapena da; katuzaina, sigi-saga egiten duten egurrezko artazi batzuk eramaten dituena, uztetarako euria ekartzen duen oinaztarria irudikatzeko; txerreroa, izpiritu gaiztoak uxatzeko; eta azkenik, txirularia, txirula edo txikiagoa den txistu bat jotzen duena eta beste eskuan zaldi zurdaz egindako erratza bat duena, izpiritu gaiztoak uxatzeko.